EDEBÉ

Edebé, grupo editorial especializado en contidos educativos , xurdiu na década de 1980 como continuación da Editorial Don Bosco. É unha das empresas líderes no sector educativo en España, coa creación de contidos educativos para o mercado escolar e a literatura infantil e xuvenil como principais liñas de negocio.

En España, publica en todas as linguas oficiais baixo os selos Edebé, Rodeira, Giltza e Marjal, e ten unha forte presenza en Latinoamérica con filiais propias no Brasil e México e unha ampla rede de distribuidores no mercado hispanofalante.

Pioneira na creación de materiais multimedia , leva décadas desenvolvendo contidos curriculares dixitais e ofrecendo servizos educativos integrais con plataformas de xestión e aprendizaxe.