ANDAVIRA EDITORA

Andavira Editora é un proxecto editorial que xorde a partir da anterior experiencia de Tórculo Edicións, que levaba máis de quince anos editando textos técnicos e universitarios e que conta no seu catálogo con máis de 200 títulos. Esta editorial nace coa idea de renovación e coa intención de ir medrando e superando fronteiras xeográficas, aínda que o seu obxectivo primordial seguirá a ser o de ofrecelle ao mundo técnico e ao universitario libros de calidade, escritos por profesorado cun traballo e prestixio recoñecidos. Andavira Editora nace coa intención de ofrecer novos servizos, novas coleccións, novos formatos, así como ampliar a súa presenza nos mercados a través de novas redes de distribución e a utilización das novas tecnoloxías aplicadas á edición do libro.