EDICIONES TORREMOZAS

Ediciones Torremozas é unha editorial española especializada na difusión de literatura escrita por mulleres.

A editorial foi fundada pola poeta e ensaísta Luzmaría Jiménez Faro en 1982 en Madrid. Dende o principio, o obxectivo principal foi a divulgación da literatura feminina, especialmente no xénero poético; tanto a publicación de textos de autoras noveis como o rescate da obra de numerosas escritoras e intelectuais esquecidas perseguían este fin. Tamén foi unha resposta a unha necesidade da época: a pesar da transición á democracia, as escritoras seguían tendo dificultades para acceder ás editoriais. 

Tras o falecemento de Luzmaría Jiménez en 2015, a súa filla Marta Porpetta Jiménez asumiu a dirección da editorial.