JUVENTUD

 Hai cen anos, en outubro de 1923, fundábase aquí en Barcelona a Editorial Juventud. Empresa familiar e independente, que segue séndoo ata o día de hoxe. A editorial adaptouse aos tempos e ás necesidades de lectura cambiantes de cada época, pero a súa paixón e o seu compromiso por achegar obras de calidade aos lectores permaneceron inalterados.

Chegar ao noso centenario foi posible grazas ao esforzo e ao traballo de todas as persoas que formaron parte do noso equipo ao longo dos anos , moitas das cales se converteron en parte da nosa familia editorial: editores, correctores, tradutores, deseñadores, maquetadores… Sen dúbida, o mérito debe ser compartido con todos os colaboradores que o fan posible cada día : os autores e ilustradores , polo seu talento e maxia; os impresores , pola súa habilidade; os representantes de vendas e distribuidores , pola súa perseveranza; os transportistas , por entregar os nosos libros aos seus destinatarios; os libreiros, por acollelos nas súas tendas e recomendalos tan persoalmente aos seus clientes; os bibliotecarios e outras persoas influentes, por animarnos a cultivar literatura de calidade; e todas as persoas que fixeron posible que sigamos publicando libros despois dun século.