Por que escribir e que ocorre cando se fai en galego? Que conflitos condicionan a liberdade do escritor? E a literatura unha actividade lúdica? Verdade, xustiza, ou progreso, son secundarias na arte, forman parte dela? Como ler os clásicos? Existen as obras mestras? Que esperan os lectores? E, pola súa banda, cales son os límites dos autores? E os da literatura?Este libro ofrécese ao público como escenario de conflito, como problematización duns conceptos culturais tan asumidos que se converteron en paisaxe e deixaron de ser útiles. Dun xeito ameno, rigoroso e heterodoxo, o autor parte da experiencia literaria para repensar o carácter da arte contemporánea, a realidade social, política e artística da Galiza de hoxe. Chégase así a unha visión válida e non simplificadora da nosa tradición, dos procesos de creación, do papel das institucións e do pensamento crítico.