FERNANDO PEREIRA BUENO
Fernando Pereira Bueno, licenciado en Xeografía e Historia pola Universidade de Santiago de Compostela na especialidade de Historia da Arte, traballou como profesor de Ciencias Sociais na Educación Secundaria en Vigo. Os seus estudos relaciónanse
fundamentalmente coa historia das ensinanzas e institucións artísticas na nosa comunidade e coa historia das mulleres galegas no período contemporáneo. É coautor de varias publicacións sobre o tema, entre as que destacan: «Historia de la Escuela de Artes y Oficios de Santiago de Compostela» (1988), «El origen de las Escuelas de Artes y Oficios de Galicia: el caso compostelano» (1990), «Un testimonio sobre los comienzos de la enseñanza académica del dibujo en Galicia» (1993), «O ensino das Artes »(1997). Tamén é autor de «A presenza das mulleres pintoras na arte galega: 1858-1936» (2004) e «Rosalía de Castro, imaxe e realidade» (Xerais, 2014), sobre a representación icónica da poeta a partir de pinturas, debuxos e outras técnicas artísticas. «A viaxe de meu pai. Notas e cartas desde a fronte de guerra (1937-1939)» (Xerais, 2024) é o seu libro máis recente.
