ALBERTO MARTÍ EZPELETA
Alberto Martí Ezpeleta (Zaragoza, 1964) é licenciado e doutor en Xeografía pola Universidade de Zaragoza. Desde 1993 é profesor titular de Xeografía Física na Universidade de Santiago de Compostela. Como especialista en Climatoloxía dirixiu varias teses de
doutoramento e traballos de Grao e Máster. Ten numerosas publicacións sobre riscos climáticos, cambio climático, clima urbano, bioclimatoloxía, clima e saúde, clima e calidade ambiental, climatoloxía agrícola ou clima e turismo. Participou en varios proxectos de investigación sobre climatoloxía, cartografía e espazos naturais. Imparte docencia no Grao e no Máster de Xeografía e Ordenación do Territorio da Universidade de Santiago, e participou en diversas conferencias relacionadas co clima.
