MÓNICA RODRÍGUEZ SUÁREZ
Mónica Rodríguez naceu en Oviedo (1969) e reside en Madrid desde 1993. É licenciada en Ciencias Físicas, cun máster en Enerxía Nuclear. Durante quince anos traballou nun centro de investigación, o Ciemat. En 2003 publicou o seu primeiro libro infantil. En 2009
deixou o traballo nese centro para se dedicar por enteiro á literatura infantil e xuvenil. Leva publicados algo máis de sesenta libros. Recibiu numerosos premios e recoñecementos, entre os que destacan o Premio Ala Delta, o Premio Anaya, o Premio Alandar, o Gran Angular ou o Premio Fundación Cuatrogatos en cinco ocasións. En 2018 outorgóuselle o Premio Cervantes Chico de literatura infantil e xuvenil á súa traxectoria, que tamén foi recoñecida co Premio María Elvira Muñiz 2021 da Feira do Libro de Xixón. Máis información en: monicarodriguez.es
