1. INICIO
  2. > Libros
  3. > A MULLER DE MENTIRA (PREMIO GARCÍA BARROS 2026)
A MULLER DE MENTIRA (PREMIO GARCÍA BARROS 2026)

A MULLER DE MENTIRA (PREMIO GARCÍA BARROS 2026)

IRIA COLLAZO LÓPEZ
0 veces listado

Premio García Barros 2026 Sempre fun transparente. As miradas atravésanme: non existo. Nunca ninguén me tomou en serio. O meu tempo de comprender chegou tarde, coma se a miña vida anterior fose un ensaio; un simulacro que me preparase para o derrubamento que me esmagou despois. A xente non me cre,…

Que che pareceu este libro?
Axuda a outras persoas deixando a túa opinión sobre este libro
Editorial
EDITORIAL GALAXIA, S.A.
Data publicación
2026-05-18
Idioma
GALEGO
ISBN
978-8-4117-6597-8
EAN
9788411765978
IRIA COLLAZO LÓPEZ

IRIA COLLAZO LÓPEZ

Ver autora

Iria Collazo López, nada en Barro o 26 de xuño de 1981, é unha escritora galega.

Iria Collazo López naceu en Barro e trasladouse coa súa familia aos sete anos a Moaña. Licenciouse en Filoloxía Galega en 2003 na Universidade de Vigo, obtendo o Premio Extraordinario Fin de Carreira. Ao ano seguinte aprobou as oposicións ao Ensino Secundario. Hoxe vive en Cangas e traballa como profesora de Lingua e Literatura Galega no IES As Barxas, de Moaña, onde colabora con pequenas creacións literarias e como coordinadora, xunto con Luz Beloso, Miguel Ángel Alonso Diz e Seso Durán en proxectos audiovisuais (A Muller Lamprea, Alicia) nos obradoiros Eduplástica e MusicasBarxas, que resultaron gañadores dalgúns premios do audiovisual escolar, coma o 1º Premio de Videocreación do Concello de Santiago de Compostela, o Premio Olloboi Orixinal 2014, un accésit polo fomento do uso do galego do IES Monte Carrasco e outra nos premios Impinxidela. En 2018 colaborou na revista Ligeia.

En 2015 publicou na Colección Costa Oeste da Editorial Galaxia a súa primeira obra literaria, Coma unha áncora, unha historia de amor, naufraxios e memoria. En 2016 saíu A soidade das medusas tamén na editorial Galaxia, seis relatos diferentes pero con moitas cousas en común. Nesta mesma editorial publicou en 2019 A casa do paralelo 54.

Foi IIº Premio Certame de poesía Torre de Caldaloba 2019 con De casa queimada.

En 2021 gañou a primeira bolsa do programa de intercambio de escritores entre Galicia e Xeorxia, para realizar unha estadía literaria na Writers’ House of Georgia de Tblisi, ao tempo que un autor xeorxiano viaxa á Residencia Literaria 1863 da Coruña.

Valoracións das lectoras
4.0
1 valoracións

5 estrelas

0%

4 estrelas

100%

3 estrelas

0%

2 estrelas

0%

1 estrelas

0%
Avatar
Ana Arias Castro
4

Estaba desexando ler A muller de mentira despois do moito que me gustou Os mortos que amei de Iria Collazo tamén en Galaxia. Este é un libro de autoficción, biográfico, con textos curtos e moita reflexión. Desde logo o tipo de libro que a min me gusta. A narradora fálanos da súa relación de parella e ruptura. Desde unha relación que está rematada, desenvolve unha serie de breves capítulos sobre diferentes aspectos que a levaron ao punto actual: os sentimentos que foron aparecendo e o declive dunha relación que a posteriori non entende como puido pensar que tería futuro. Preséntasenos como unha muller transparente, de mentira, que procura ocupar pouco lugar, estar en silencio, non chamar a atención. Obviada moitas veces polos demais, e desde logo tamén por esta parella, e escribindo sempre busca a aceptación dos demais: "Eu escribo para que me amen". Bonita, en cambio, esa relación coa escrita, que foi sempre a mellor compañía aínda que nunca fose Yolanda Castaño. As escritoras son tamén lectoras como nos queda claro por tantas visións sobre o amor e as relacións que nos transmite a través doutras voces que expresan o que ela foi sentindo. Esa é a maxia da lectura, sentir que iso que nós sentimos xa o sentiron outros e foron quen de expresalo cos mesmos matices que quereriamos nós poder compartir. O tempo vai permitindo ver o que os comezos dunha relación ocultan: o desapego, a relación desequilibrada, as mentiras, a capacidade para mentir cunha naturalidade que mina a confianza e, finalmente, o engano e o deterioro definitivo da relación. Os seis anos supuxeron un empequenecemento, "de tan pequena que me volvín, un día perdinme e nunca máis aparecín". Mentres tanto, el está seguro e non renuncia a nada. A ruptura dunha relación que carece de tenrura, de equilibrio, non nos colle por sorpresa. Que me gustou? A forma delicada na que a autora é capaz de expresar sentimentos e emocións de enorme fondura e facernos partícipes de algo tan íntimo, provocando unha conexión total coa lectora. A estrutura lixeira, a base de textos breves que nos van envolvendo. Un libro para conectar co máis íntimo.

Outros libros de IRIA COLLAZO LÓPEZ

Á comunidade gustoulle…

Subscríbete ao noso boletín

e descubre todas as novidades do libro en galego