FINA CASALDERREY
Fina Casalderrey (Xeve, Pontevedra, 1951). Mestra, diplomada en Lingua Galega, numeraria da Real Academia Galega. É membro da AELG, do PEN CLUB e Socia de Honra de GÁLIX. A renovación pedagóxica, o fomento da lectura, a etnografía, a gastronomía, o teatro
escolar e o cine tamén ocupan un lugar importante na súa traxectoria. Con máis de 70 títulos publicados, os seus orixinais foron traducidos a todas as linguas peninsulares; algúns tamén, ao bretón, coreano, italiano, francés, inglés, córnico, serbio e chinés. Entre os numerosos premios e distincións seleccionamos: -Premio Merlín 1991. -Premio O Barco de Vapor 1994. -Premio Edebé 1996. -Premio Nacional de Literatura Infantil e Xuvenil 1996. -Medalla Castelao da Xunta de Galicia 2003. -Lista Outstanding Books for young people with disabilities. Oslo -Premio da Cultura Galega na modalidade de Letras (Creación Literaria) 2015. -Premio Rosa dos Ventos do Instituto Arxentino-Galego Santiago Apóstolo de Buenos Aires, 2018. -Letra E de Escritora na súa Terra , concedido pola AELG en 2023. -En 2024, candidata española ao premio ANDERSEN (considerado o Nobel de LIX) e ao ASTRID LINDGREN (a este último, tamén en 2025 e 2026), polo conxunto da súa obra. Para saber máis: http://fina.casalderrey.com
