FERNANDO FRANJO FRANJO
Fernando Franjo Franjo (Monforte de Lemos, 1963) é xornalista e promotor cultural. Licenciado en Xeografía e Historia pola Universidade de Santiago de Compostela é tamén Máster Experto en Xornalismo Turístico polo Instituto Europeo de Xornalismo e
Comunicación. Autor do libro Cincuenta Cafés históricos de España y Portugal (Alvarellos Editora, 2014), mantén nas redes sociais o activo espazo Ruta por Cafés. Despois de moitos anos como xornalista cultural, especializouse no estudo e visibilización dos Cafés históricos. É representante oficial en España e asesor da European Cafes Routes (Asociación Europea de Cafés Históricos). En 2018 organizou en Compostela o encontro internacional Cafés, Patrimonio Cultural a través do Tempo, primeiro evento que se celebrou en España sobre Cafés e Patrimonio. En 2020 obtivo, nunha candidatura conxunta coa Asociación de Cafés com Historia de Portugal, o premio da Rede Europea de Turismo Cultural (ECTN) pola proposta Rede de Cafés Históricos na Península Ibérica.
