IRIA COLLAZO LÓPEZ
Iria Collazo López naceu en Barro (Pontevedra) en 1981, pero leva no Morrazo desde os sete anos. As historias que lle contaron, que vive e que respira nestes dous lugares, impregnan boa parte do que escribe. Estudou Filoloxía Galega na Universidade de Vigo e
titulouse co Premio Extraordinario Fin de Carreira. Ao ano seguinte aprobou as oposicións ao Ensino Secundario. "Coma unha áncora" foi a súa primeira obra literaria publicada. A segunda chegou en 2016, "A soidade das medusas", un conxunto de relatos enlazados, que foi traducida ao francés en 2018 co título de "La solitude des méduses", e ao portugués do Brasil en 2019. Ambas as obras están publicadas na colección Costa Oeste de Editorial Galaxia. En 2019 acadou o II Premio de Poesía Torre da Caldaloba, con "De casa queimada", publicado en 2020, e en 2024 deu ao prelo "Os mortos que amei", na colección Literaria de Editorial Galaxia. En 2021 recibiu a I Bolsa Intercambio Xacobeo con Tbilisi, da Consellería de Educación e Ordenación Universitaria, en colaboración coa Residencia Literaria 1863.
