JAVIER INARAJA
Ilustrador e debuxante nado en Valladolid, comezou a súa carreira profesional como deseñador gráfico en Madrid no estudo Cruz-Novillo+Olmos, realizando tamén diversos proxectos nos campos da banda deseñada e a animación.
En 1980 participou na serie de televisión de animación Don Quixote da Mancha, producida por Romagosa-Delgado, onde se encargou do deseño de personaxes, o storyboard e a maquetación. Posteriormente, realizou as mesmas tarefas en longametraxes e series de televisión como Aventura Máxica, O faiado da fantasía, As viaxes de Gulliver, Os trotamúsicos e Mofli, o último koala, así como noutras series para o mercado internacional. A partir de 1999, abandonou este tipo de traballo e centrouse exclusivamente na edición, creando libros infantís e xuvenís.
