1. INICIO
  2. > Libros
  3. > BOUNDARIES ROAD
BOUNDARIES ROAD

BOUNDARIES ROAD

CECILIA F. SANTOMÉ
0 veces listado

Boundaries Road é unha marca no mapa da periferia anódina de Londres. Un sitio coma outro calquera ata que á porta do número 62 aparece Cecilia, que necesita un cuarto para alugar, e Natalie e Tom, que buscan unha inquilina temporal, a acollen sen pensalo demasiado. Nesa casa fermosa, exótica e…

Que che pareceu este libro?
Axuda a outras persoas deixando a túa opinión sobre este libro
Editorial
EDICIÓNS XERAIS
Data publicación
2026-06-04
Idioma
GALEGO
ISBN
978-8-4111-0834-8
EAN
9788411108348
CECILIA F. SANTOMÉ

CECILIA F. SANTOMÉ

Ver autora

Cecilia Fernández Santomé, nada en San Simón da Costa (Vilalba) en 1984, é unha filóloga e escritora galega.

Cecilia F. Santomé xunto con Raquel C. Pico na presentación de As despedidas na Libraría Paz de Pontevedra.

Licenciouse en Filoloxía Francesa pola Universidade de Santiago de Compostela e completou os seus estudos en París e Liverpool. Doutorouse en Teoría da literatura e Literatura comparada pola mesma universidade coa tese Le théâtre de Claire Lejeune: textes et co(n)textes, dirixida por Laurence Malingret.[1] En 2012 marchou a Londres, onde iniciou a súa carreira como xestora de contidos dixitais.

Canda a Cristina Fernández fundou en 2016 a extinta revista dixital Coolt, publicación mensual de moda e tendencias en lingua galega.[2][3] Dende agosto de 2018 colabora regularmente con Dot Magazine.

Valoracións das lectoras
4.0
1 valoracións

5 estrelas

0%

4 estrelas

100%

3 estrelas

0%

2 estrelas

0%

1 estrelas

0%
Avatar
Ana Arias Castro
4

Hoxe rematei Boundaries Road de Cecilia F. Santomé e publicada por Xerais, a última novela coa que nos sorprende agora a autora. E digo que nos sorprende porque esta novela é moi innovadora formalmente. Boundaries Road preséntanos tres partes que están interconectadas pero que case poderían lerse de forma independente. Na primeira Cecilia busca e atopa unha habitación en Londes e acaba atopándoa na casa de Nathalie, Tom e Tobby. Na segunda parte a protagonista loita por datar un Picasso que pouco a pouco vai situando sen acabar de atopalo en ningún catálogo que manexa. Finalmente a parte final está centrada na historia familiar dunha familia Exipto-británica. É esta unha novela introspectiva que invita a unha lectura lenta e reflexiva. Como a vida mesma as historias non se pechan completamente senón que van quedando flocos. Iso si, as diferente liñas da trama están interconectadas e remiten a vivencias moi recoñecibles: a dificultade de expresarse e comprender cando non se manexa o idioma, a.comunicavión real na parella, as diferenzas culturais, a necesidade de saber e de fabular a partir dos elementos que imos atopando, así como a identidade ou a dureza de ser estranxeiro. Destacaría a atención ao detalle da novela e así como a capacidade para describir as sensacións e a percepcións dos personaxes. En definitiva, atopei unha novela formalmente moi audaz, con capítulos só levemente conectados entre si, pero deliciosamente ben escrita e que presenta moitas preocupacións da nosa sociedade actual. Un libro para unha lectura repousada e reflexiva.

Outros libros de CECILIA F. SANTOMÉ

Á comunidade gustoulle…

Subscríbete ao noso boletín

e descubre todas as novidades do libro en galego