A publicación 50 anos de estudos universitarios en Ourense editada pola Vicerreitoría do campus de Ourense para conmemorar este aniversario é unha obra de carácter divulgativo que consta de tres bloques de contidos, o primeiro dos cales fai un percorrido histórico polos estudos universitarios desde os seus inicios en 1974 ata os nosos días e está asinado por Jesús de Juana López, Catedrático emérito de Historia Contemporánea. O segundo bloque céntrase no goberno do campus de Ourense facendo un repaso polos fitos máis importantes impulsados por cada unha das persoas que ocuparon o cargo de vicerreitor do campus de Ourense, desde o propio Jesús de Juana López ata o actual Francisco Javier Rodríguez Rajo. O terceiro apartado está adicado a cada unha das escolas e facultades que conforman o campus na actualidade, facendo referencia, entre outros aspectos, á súa historia, os sucesivos equipos de goberno, os títulos ofertados, etc.
O libro está prologado por Manuel Joaquín Reigosa Roger, Reitor da Universidade de Vigo.