Na súa quinte edición, o catálogo Quero ser investigadora renóvase para ofrecer un formato máis acorde coa evolución das cativas e cativos aos que se dirixe. esta nova entrega preséntase como un volume único que recolle conversas en estilo directo con investigadoras da Universidade de Vigo, facilitando unha conexión máis próxima e auténtica cos lectores e lectoras. O cambio responde ao compromiso da institución cunha divulgación científica inclusiva e á vontade de seguir sementando vocacións desde unha perspectiva de xénero.
No prólogo que abre esta edición, as vicerreitoras de Comunicación e de Investigación, Mónica Valderrama e Belén Rubio, reflexionan sobre a evolución do proxecto, a importancia dos referentes femininos e o papel das políticas de igualdade para construír unha universidade máis xusta e equitativa. Unha conversa que serve de pórtico para as historias que seguien: voces femininas que investiga, que soñan e que abren camiño.