Obra gañadora do VIII Premio Barriga Verde de textos para teatro de monicreques (2010, modalidade adultos)

Pedra sobre pedra sitúase no momento da construción do Pórtico da Gloria, co Mestre Mateu ½afanado en protexer a evolución e remate╗ da súa grande obra que, malia todos os atrancos, chegou aos nosos días como unha das máis impresionantes mostras escultóricas do Románico europeo. Como explica o autor, a obra conta ½a historia dunha infamia frecuente: a vivida polos que sofren o espolio das súas ideas, dos seus proxectos, dos seus soños... con total impunidade╗.

Na obra destaca a súa versatilidade estrutural, que fai que o texto poida resultar acaído para montaxes tanto de pequeno como de gran formato, sen perder por iso a súa identidade como espectáculo; a capacidade para demostrar que un motivo artístico tradicional, como é o do Pórtico da Gloria, pode ser susceptible de tratamentos novos; finalmente, o suxerinte que o texto resulta tanto no literario como no escenográfico ou mesmo no técnico.