Xosé Tomás Díaz Teijo, coñecido como Xosé Tomás, nado en Betanzos o 26 de outubro de 1971, é un ilustrador, guionista, humorista gráfico e profesor galego (catedrático de ensino medio).

Estudou Filoloxía Inglesa na Universidade de Santiago de Compostela. Comezou a súa tese de doutoramento sobre o papel interventor do ilustrador nos álbums infantís ilustrados. É catedrático de inglés de ensino secundario no CPI Manuel Suárez Marquier do Rosal, do que tamén é director.