O Almanaque Gallego é unha publicación fundada polo lugués emigrado en Bos Aires Manuel Castro López. Comeza a publicarse en 1898 e remata en 1927, ano da morte do seu fundador. O seu obxectivo era manter unha relación estable e permanente entre as dúas Galicias daquela existentes: a vella europea e a máis nova, feita en América polos inmigrantes galegos. Esta edición facsimilar foi posible a través dun convenio de colaboración coa Secretaría Xeral de Emigración da Xunta de Galicia.