O grupo de investigación GEFIL da Universidade de Santiago de Compostela e o Instituto de Emprego de Portugal (IEFP) levan organizando, en colaboración con outras institucións galegas e portuguesas, o Congreso Internacional de Formación para o Traballo dende o ano 1999. As actas que este volume recolle correspóndense coa décima primeira edición deste evento, que tivo lugar no Centro Integrado de F.P. Politécnico de Santiago de Compostela, os días 22 e 23 de outubro de 2009. A temática arredor da cal xirou o Congreso, nesta ocasión, foi o mundo emprendedor e a súa vinculación coa Formación Profesional, así como as posibilidades de Aprender e emprender nos contextos profesionais. Este libro, que inclúe as conferencias, comunicacións e pósters presentados no citado evento, proporciona pistas acerca de cara a onde se dirixen as accións estratéxicas propostas a nivel nacional, autonómico e local, deixando constancia da importancia da investigación no ámbito do emprendemento.