Milio e Lena, un matrimonio estable pero sometido ao desgaste e á rutina, levan máis de corenta anos vivindo en Bilbao, cidade en que criaron os seus fillos e viron nacer as súas netas. Milio, agora xubilado, sempre desexou regresar e instalarse definitivamente na súa casa familiar da aldea de Cabanas, onde pasan todos os veráns, mais Lena non esta disposta a levar a cabo este cambio na súa vida.
A chegada ao lugar de novos habitantes, que buscan outras formas de vida e oportunidades de traballo e negocio, ás veces incompatibles coas establecidas na zona, así como un reencontro inesperado e a enigmática desaparición dunha moza, tensarán moito as relacións entre a veciñanza e alterarán a tranquilidade da aldea.
«Os segredos do Lugar Grande» combina intriga, emoción e unha mirada actual ao rural galego. Manuel Iglesias Turnes volve sorprendernos cunha novela atractiva, unha historia de personaxes con reflexións sobre o apego á terra, o amor e algunhas decisións vitais difíciles de tomar.