MERCHI RODAL
0 seguidores
Xerente do Hostal e Apartamentos Rodeiramar 2A, onde practica as súas Lambetadas. É licenciada en Ciencias do Mar e Técnico Superior en Cultivos Mariños, e o tema da repostería e da hostalería venlle de familia.
O seu negocio hostaleiro vai pola terceira xeración. Xa o seu avó, alá polos anos 50 dicía que algún día poderíase vivir do turismo, e apostou por iso. O restaurante coñecido en Cangas como “A de Mallo”, foi un referente da mellor cociña galega da zona, onde o que premiaba era a fantástica materia prima das nosas rías e dos nosos campos.
