Merchi Rodal ten sempre pintado un sorriso na cara. Nótase que goza facéndolle a vida máis doce aos demais. Na súa cociña flota un recendo marabilloso a canela e a manteiga, porque sempre ten algo tentador no forno... Da tradición galega saca a inspiración para moitas das receitas que propón: os biscoitos, as lambetadas de améndoa, o arroz con leite, as empanadas doces... Merchi asegura que o segredo para ser feliz está contado neste libro.