ANDREA MACEIRAS

Doutora en Filoloxía Hispánica e licenciada en Filoloxía Galega. É autora dunha vintena de novelas infantís e xuvenís, recoñecidas con algúns dos principais galardóns da literatura infantil e xuvenil, como o Premio Lazarillo de Creación Literaria, o Premio Anaya de Literatura Infantil e Xuvenil, o Premio Merlín, o Premio Raíña Lupa, o Premio Jules Verne e o Premio Vila de Ibi, entre outros. As súas obras tamén recibiron o Premio Frei Martín Sarmiento, o Premio dos Clubs de Lectura da Xunta de Galicia, o Premio Follas Novas e o Premio A de Literatura Infantil, outorgado pola Asociación Colexial de Escritores de España e a Universidade Complutense de Madrid. Ademais, foron recomendadas pola Fundación Cuatrogatos e incluídas na Lista de Honra da OEPLI.