XESÚS TORRES REGUEIRO

Xesús Torres Regueiro, nado en Betanzos o 8 de decembro de 1957, é un escritor galego.

Diplomado na Escola de Formación do Profesorado da Coruña en 1978. Mestre por oposición desde 1979, traballa no ensino. Vinculado ao asociacionismo cultural de base na Asociación Cultural Alexandre Bóveda da Coruña e na desaparecida Asociación Cultural Betanceira, da que foi cofundador e presidente. En 1992 promoveu a fundación en Betanzos da Asociación Cultural Eira Vella. 

Coordinou A Xanela, Revista Cultural das Mariñas, e ten colaborado en A Nosa Terra, así como noutras publicacións asociativas e locais, como o Anuario Brigantino.