Ruth Perea tes o meu respecto total porque para ser bioinformática sen vocación hai que ser moi bo programando. sobre o libro en si, unha historia interesante sobre a relación do ser humano coa natureza, o medo ao descoñecido e como desemboca en violencia, a necesidade de saber e como lidiamos con iso... o que se pode esperar dunha historia de contacto entre seres humanos e outros "alieníxenas" (aínda que estes veñan do mar), vamos. as reflexións sobre estes temas e a viaxe persoal de Ruth son os puntos principais da novela, e son cousas que fai moi ben. quizais do que me podería queixar máis, algúns erros de escrita aparte, é das seccións de anotacións. gústame o concepto porque son fan de reflexións ensaísticas saídas dun contexto de ficción, pero sinto que quedan un pouco con pegote no ritmo do propio libro? creo que terían quedado mellor como artigos que saísen na época na que se desenvolven nos acontecementos, xa que lle daría un toque tendo en conta que o narrador fala dende un futuro non especificado. pero isto son preferencias persoais.