Lin a Gran Novela Galega deste autor, e por iso púxenme con este. Ten un inicio moi bo. Pero... logo que despropósito de darlle voltas á trama. Quedei mareado de seguir aos personaxes, a algúns deles... porque a cada capítulo aparecían máis... Pois iso. Que hai un montón de viaxes en coche de Mondariz a Vigo, de Vigo a Monadariz. De Val Miñor a Vigo, de Mondariz a Val Miñor. Debía ser barata a gasolina naqueles anos. E o misterio a estirarse a estirarse. Que capacidade... Tanto estirou e tanto empecei a aburrir que teño que confesar que non acabei o libro. O libro é un bo ladrillo (tamaño ladrillo) e eu quedei sen folgos de pasar tanta páxina mollando no prebe. Pareceume que era todo salsa para acompañar a qué? Onde estaba a cerna? Todo escrito bonitiño, iso si. Lembrei o que di César Cequeliños no outro libro. Que para moitos premios hai que esforzarse nas primeiras páxinas e logo xa confiar que o xurado vaia con un pouco de présa. Este levou o Torrente Ballester de 2023. Nota mental: Non mercar máis libros que gañaron o Torrente Ballester. Se tal que mos presten. https://axendacultural.aelg.gal/2023/11/15/sabeme-a-salamantiga-o-ceo-da-boca-gana-o-premio-torrente-ballester-en-lingua-galega-da-deputacion-da-coruna/