O estudo da toponimia supón un valioso traballo de protección e revitalización dos nomes tradicionais; nomes que, aínda que non aparezan nos rótulos das rúas, seguen vivos na fala da nosa xente.
A riqueza que nos achega a toponimia é inconmensurable, pois permítenos coñecer o terreo, a nosa historia local, as lendas, a distribución dos espazos, as persoas que deixaron pegada, os seus oficios, as nosas orixes e o noso patrimonio. A súa protección debería ser un ha prioridade para preservar a nosa identidade e memoria colectiva.
Este volume está dedicado a Teis; unha parroquia que nos últimos oitenta anos sufriu moitas alteracións, sobre todo, na parte máis costeira. A orixe do topónimo remite ao significado de regato, río ou curso de auga. Así, ao longo do libro comprobaremos como moitos dos microtopónimos teñen relación coa auga: "Os canos, Arnela, A Barxa, Ríos etc".
Os topónimos de Teis son, en definitiva, testemuñas vivas do seu pasado e da nosa lingua