A medicina popular gallega foi obxecto de estudo dende o século XVIII. Diversos autores abordárona con perspectivas diversas, algunhas delas cargadas de prexuízos. Nesta obra, o antropólogo Rafael Quintía presenta un estudo detallado dos aspectos máis salientables da nosa etnomedicina, achegando unha perspectiva antropolóxica a estas prácticas e coñecementos tradicionais, e á súa relación coa biomedicina, ou medicina moderna. Este libro é o froito de anos de traballo de campo e investigación bibliográfica sobre un aspecto tan fundamental da nosa cultura e existencia humana como a salvagarda da saúde. A clasificación de enfermidades e doenzas, síndromes culturalmente específicas, practicantes da medicina popular, diferentes recursos curativos, o poder das palabras e o papel da maxia e a relixión neste sistema de saúde tradicional son algúns dos moitos temas que se abordan nesta monografía.