istas, outros máis conservadores. Uns crentes, outros non. Uns temos ideoloxías ben definidas, outros considerámonos apolíticos... Mais todos estamos preocupados e indignados polo panorama político, económico e social que vemos ao noso arredor. Pola corrupción dos políticos, empresarios, banqueiros... Pola indefensión do cidadán de a pé. Esta situación máncanos a todos acotío. Mais se todos nos xuntamos, podemos cambiala. É moito hora de botarse a andar, hora de construír entre todos unha sociedade mellor.» Trala publicación de “Indignádevos!”, o manifesto mundialmente coñecido de Stéphane Hessel, a nova entrega da colección Ágora de FAKTORÍA K é unha suma de artigos elaborados por analistas e pensadores contemporáneos: “Democracia Real Xa!”, de Carlos Taibo; “A revolta d@s indignad@s”, de Josep María Antentas e Esther Vivas; “Mellor ao revés”, de Antoni Domènech, que reflexiona sobre a alternativa real ao movemento do 15 de maio; “Democracia Real Xa!”, de Iván Giménez Chueca, no que apunta conceptos como open government e ciberactivismo; e “A Marsellesa na Puerta del Sol”, de Juan Carlos Monedero. Complétase cos seguintes anexos: o manifesto e as propostas do Movemento 15-M; un comunicado das comunidades cristiás populares do Estado español; e o Manifesto Feminista de Sol.