Durante 15 anos e en diversos grupos teatrais, o autor fixo teatro por diversas zonas da provincia de Lugo e o occidente asturiano. E fixo teatro como actor, representando sobre os escenarios unha chea de obras, e tamén como autor, escribindo comedias para os grupos Raiolas, A Maseira, Trípode, Grupo de Teatro do Instituto Alfoz-Valadouro e algúns máis. O teatro que se presenta neste libro é teatro afeccionado, xeralmente cómico, aínda que non exento de mensaxe. Nos seus textos abundan os vulgarismos e os castelanismos, porque está dirixido a un público que, aínda que non sexa unha linguaxe académica, fala e enténdese así. O presente libro ofrece ó lector 20 obras desta modalidade de teatro, todas comedias, todas representadas en público (algunhas en decenas de ocasións) e moi coñecidas polos concellos da Mariña, onde principalmente se ofreceron