Unha noite de tronos e lóstregos, Lois, o fillo do conserxe do CEIP do Piñeiro, atopa cinco letras que semellan de xeo e coas que só se pode formar unha palabra con sentido: "Crime". Velaquí o principio dun asunto que, co paso dos días, acadará dimensións insospeitadas e certamente incribles, ás que Lois se terá que enfrontar coa axuda de Xela, unha compañeira de escola; e mais a señora Matilde, unha policía nada común que a Lois lle lembra a súa avoa.