Antonio Domingo José Tovar Bobillo, coñecido como Antón Tovar (A Pereira, Sabariz, Rairiz de Veiga, 23 de outubro de 1921 - Ourense, 16 de xuño de 2004), foi un poeta galeguista que escribiu tanto en galego como en castelán, pertencente á Xeración Enlace. 

A súa obra está marcada por un profundo pesimismo, un existencialismo íntimo e unha busca espiritual que reflicte unha visión crítica e sombría da vida. Foi membro correspondente e de honra da Real Academia Galega.