Manuel Rodríguez Troncoso . Nado en Guntín de Oroso (A Cañiza, Pontevedra). Fillo dun labrego, viviu toda a súa infancia e boa parte da súa mocidade na súa aldea natal. Estudou bacharelato no Instituto de Pontevedra (1941-1948) e Medicina na Universidade de Madrid (1948-54), exercendo como doutor en Peranzanes (León), Burón (León) e en El Prat de Llobregat (Barcelona).

É autor doutros libros como  Relembranzas (1987), Lonxe (1992), poemarios; Raíces rurais (1996), novela costumista; La vida, flor de las galaxias (1999), novela de ciencia ficción; Alén do azul –escrito en coautoría con outros doce poetas galegos en Cataluña (1999); e Chama acesa (2000), novela costumista. Escribiu poesía e artigos sobre medicina preventiva para diversas revistas e xornais literarios.