Jesús de Juana López, nado en Molina de Aragón (provincia de Guadalaxara) o 4 de xullo de 1949, é un historiador e político galego. Reside en Melias (O Pereiro de Aguiar).

Doutor en Historia Contemporánea pola Universidade Complutense de Madrid, e catedrático da mesma disciplina na Universidade de Vigo e director e catedrático da UNED en Ourense. Foi vicerreitor do Campus de Ourense, deputado no Congreso dos Deputados polo Partido Popular da VI Lexislatura durante dous meses de 1996, gobernador civil de Ourense (1996-1997) e Subdelegado do goberno en Ourense (1997-2000). Xunto a Xavier Castro promoveu desde 1983 as Xornadas de Historia de Galicia.