Gran coñecedor da alma da cidade, Ferrín fala demoradamente do mar, das rúas e das xentes de Vigo. Percorre Alcabre, a ribeira do Berbés, Coruxo. o cerne da cidade, descubrindo anécdotas agochadas tras as pedras da zona vella. A panorámica enriquécese coa visión de Julio Gil, que retrata cores e escenarios multiformes, empresarios e mariñeiros, casas baixas e torres de formigón. imaxes concisas que resumen o xeito de vida da cidade olívica.