Inquedanzas, da autoría de Cástor Rodríguez, fai unha loa ao auténtico comezando pola súa aldea de Vilar de Vacas, lugar onde ten as raíces. Recoñece o bo dos anos que pasou no Seminario de Ourense e detense na súa profesión de mestre que exerceu durante case tres décadas no concello do Rosal, onde ten deixado unha longa e abundante pegada, empregando, como única ferramenta, as palabras, que seguen agromando en aconteceres en todos cantos foron os seus alumnos, e mesmo como Xuíz de Paz , faceta coa que logrou acordos que nun principio parecían imposibles. A súa filosofía de vida é compartir inquedanzas e sentimentos para lograr "anaquiños de felicidade".