Alberto Manuel Ramos Ríos, nado en Santiago de Compostela o 20 de febreiro de 1986, é un xornalista, narrador e dramaturgo galego.

Licenciado en Xornalismo na Universidade de Santiago de Compostela. Exerceu a súa profesión en Xornal de Galicia até o 2011, colaborando despois con medios como Luzes, Praza Pública e Sermos Galiza e traballando como freelance. Na Asociación de Actores e Actrices de Galicia (AAAG) é o encargado de comunicación dos Premios María Casares. No ano 2023 viuse envolto nunha polémica nas redes sociais con Francisco Castro Veloso logo da publicación dunha entrevista de Montse Dopico en Praza.gal sobre a súa novela Os corpos dos Romanov.