Neste libro podemos ler o poema "Nena das soledades" data de 1854 e tivo como destinatario o álbum de Elina Avendaño, irmá do pintor vigués Serafín Avendaño. O "Discurso" pronunciado por Murguía nos Xogos Florais de Tui publicouse por vez primeira na revista La Patria Gallega no ano 1891, data de celebración dese certame literario. O escrito coñecido como "Eduardo Pondal e a súa obra" provén dun manuscrito sen corrixir que viu a luz nos números 248-249 do Boletín de la Academia Gallega. O breve texto de homenaxe "A Curros" apareceu o 28 de febreiro de 1919 en Terra a Nosa. Suplemento de El Noroeste.