ermos literarios coma as institucións que, como os premios, constitúen ese universo que arroupa a obra literaria e axudan á súa difusión. Publicado en colaboración coa Fundación Caixa Galicia, o Diccionario da literatura galega IV, ofrece ao lector unha achega na que se afonda en todos aqueles conceptos de tipo terminolóxico que se manifestaron como fundamentais polo feito de posuíren unha dimensión propia, un significado particular no noso sistema literario. Por outra banda, a coidada selección das entradas responde a un afán de dotar de maior protagonismo a certas institucióne e conceptos, tradicionalmente beireados polos estudios literarios máis convencionais, como é o caso dos premios, que se incorporan aquí (sen ánimo ningún de converter este tomo nun catálogo exhaustivo) en recoñecemento da súa importancia como promotores de autores e obras da súa relevancia como institucións nun contexto tradicionalmente tan deficitario nelas como é o galego. Este diccionario presta abondosa atención aos xéneros e tendencias creativas, elementos referenciais de grande importancia para comprendermos atinadamente o fenómeno literio. Unha das novidades que ofrece este volume dedicado aos termos e á institucións literarias é a presentación, en forma de cadros ou esquemas, da información referida a campos como a métrica ou as xeracións poéticas que aquí se presentan cunha vontade de accesibilidade e claridade que facilite a consulta.