Edicións do Cumio presenta un conto de sempre adaptado e ilustrado por Rosa Fuentes para primeiros lectores nunha edición en tapa dura e de gran tamaño, pensada para que os nenos gocen coas ilustracións. "Todos os soldadiños eran iguais, agás o derradeiro. Este soldadiño distinguíase dos demais porque só tiña unha perna. Ao fundilos, o chumbo acabouse xusto alí e o soldadiño non puido ser completado. Pero a pesar diso, sostíñase tan firme nunha soa perna coma os outros coas dúas. E ao neno gustoulle tanto que o puxo na primeira fila, diante de todos os demais."