Clases de danza? Que danza?
De danzas! De danzas de sempre, de toda a xente, de ninguén, de todas as partes, de varios mundos.
Fun un día levar a miña irmá. Pediume que a levase en coche porque ía un día de temporal. A choiva non paraba, o vento reviraba todo polo ar. Pensaba eu que o mellor era quedar na casa, pero non miña irmá. —Ala!, que non quero perder a clase! Leveina… Co día que ía, decidín entrar. Díxenlle que quedaría por alí mirando ata que terminase.
Pero como memorizan toda a danza? E aínda rin e charlan e fan bromiñas e ha ha ha! e he he he!… A min aquilo parecíame máis difícil ca calquera outra cousa! No entanto, sentinme un pouco celoso de tanta diversión…

Bo proveito!