Aquí está o mellor fogón! O da imaxinación! Cociña das palabras que se come polos ollos, sen garfo nin culler.

Este libro para lectores a partir de 10 anos preséntanos 30 disparatadas e delirantes receitas, onde o real se confunde co imaxinario, o cotiá co extraordinario. Imaxes surrealistas e imposibles conforman un divertimento en forma de conto. José Antonio Ramírez Lozano elabora unha narración áxil, inxeniosa e intelixente que nos leva de principio a fin cun sorriso. As ilustracións de Riki Blanco gozan dunha grande expresividade e remarcan o carácter humorístico da parte literaria.