EDUCACI╙N DEMOCR┴TICA OU BARBARIE.
Os concellos abrirán camiño.
______________________________
O financiamento dos concellos está moi vencellado ás transferencias e subvencións. Ambos os dous recursos son ingresos tributarios que pagan persoas alleas ao municipio beneficiado. ╔ dicir, que se produce unha redistribución de rendas que debe ser considerada e analizada. En caso contrario as subvencións poden ser manifestamente mellorábeis. Tamén as subvencións se xustifican pola capacidade e esforzo fiscal, por teren competencias compartidas e pola solidariedade ou colaboración institucional. Pero outras veces son froito do clientelismo e do paternalismo, da reprodución política e da corrupción. E cando isto sucede, aparece a desorde e tamén unha cultura que deteriora o financiamento municipal.
Ou sexa, o libro analiza problemas que padecen os concellos galegos polo mal uso da subvención. Porque ademais do xa indicado, intentar corrixir o deterioro da base económica e caída demográfica municipal, pola vía da fusión incentivada con subvencións, non deixa de ser unha política confusa. Como tamén sucede cando se potencian as Deputacións provinciais a costa de suprimir competencias municipais. A cultura da subvención xa invade e destroza o noso espazo común.