Esta é a historia dunha polémica. Dunha polémica na que o suxeito fundamental son as mulleres do noso país. Circunscrita no tempo que antecede ao período franquista, ocúpase das discusións sobre o voto, o aborto, o divorcio, a educación, o deporte, o asociacionismo, a actividade política, así como das controversias que xera a aparición da muller na publicidade ou nos primeiros concursos de beleza. Aspectos, todos eles, que forxan o que constitúe o cerne desta publicación: o papel que as diferentes ideoloxías outorgan ás mulleres na sociedade, e a evolución que este modelo irá sufrindo ao longo do tempo.