O hórreo é un dos elementos máis representativos do Noroeste hispano na súa vida secular. En realidade, o representante da súa economía milleirenta dende as mesmas raíces, xa que o home dende selo, por necesidade e natureza, houbo de procurar cómo ter de qué vivir o ano gardando e conservando o pan de cada día. Ningún obxecto como o hórreo resulta tan probatorio das afinidades nos costumes, fala e vida en xeral deste Noroeste que desborda “raias”, dando razón dunha ampla comunidade de cultura