Dende o primeiro momento de preparación do proxecto Ánxel Huete. Unha revisión crítica, consideramos que debería constar de dúas partes, ambas as dúas fundamentais á hora de abordar unha retrospectiva e de achegarnos á figura e traxectoria do artista; por unha banda a exposición, que ocuparía todas as salas da planta baixa do MARCO, e por outra, este libro que tedes nas vosas mans. Xunto ao texto curatorial de Agar Ledo, que é tamén autora da liña de vida ou cronoloxía incluída na publicación, encargamos novas achegas a Rosalía Pazo Maside, Anxo Rabuñal, Manuel Pérez Rúa e Isaac Pérez Vicente, persoas próximas ao artista, para que tanto nas súas facetas de pensador, profesor, activista, teórico, vinculado a movementos políticos, asociacións e foros de opinión, e persoa comprometida co seu tempo.