Este libro existe gracias á amizade do autor co seu amigo e poeta Celso Fernández Sanmartín, que, xuntando a nenos de a cinco e a vellos de a 100 nunha residencia de anciáns, tiveron a ben escribirlle e mandarlle debuxos de baleas. Durante unha semana estiveron alí, convivindo, e o autor tivo a
Estevo Creus Andrade (Cee , 1971) é un escritor galeguista que destacou especialmente no campo da poesía.
Foi un dos fundadores do Batallón Literario da Costa da Morte, participando en obras colectivas como Nós (1997) e Mar por medio (1998). Anteriormente xa publicara como narrador os relatos E a catro patas: quilómetros... (1994) e Confeso que matei a bambi (1996).
O seu primeiro traballo en solitario publicouse en 1996, Poemas da cidade oculta . Ese mesmo ano gañou o Premio Miguel González Garcés da Deputación da Coruña pola súa colección Areados . En 1998 gañou o Premio Eusebio Lorenzo Baleirón polo poemario Teoría do lugar , e en 2002 obtivo o III Premio de Poesía Fiz Vergara Vilariño por Decrúa .
Interesado en experimentar con novas formas de edición, converteuse nun dos membros fundadores da editorial Letras de Cal e tamén participou no proxecto Retagarda Edicións, dedicado á publicación de libros en formato dixital empregando disquetes como soporte. Publicou O libro dos cans neste formato no ano 2000. Tamén no 2007, xunto co seu irmán, o escritor e artista gráfico David Creus , publicou Facer Merzbau non ou posible?, un libro que pretende borrar os límites do concepto tradicional de autoría e opera dentro dun concepto multimedia de literatura (vai acompañado dun DVD).
e descubre todas as novidades do libro en galego