A PRINCESA DE TARAMUNDI
XOÁN BABARROPremio Arume de poesía para nenos e nenas, "A princesa de Taramundi" foi votada por unanimidade polo feitío e orixinalidade dos versos e o tenro achegamento á natureza e ao medio xeográfico do que se nutren. O autor xoga coas onomatopeas e cos recursos gráficos que fan máis atractivos estes poemas
XOÁN BABARRO
Ver autorXoán Babarro González, nado en Calvelo (Zorelle, Maceda) o 23 de decembro de 1947, é un escritor e lingüista galego.
Estudou Maxisterio e é licenciado en Filosofía e Letras, ingresando no corpo de mestres por oposición en 1968. Traballou arreo pola introdución do galego na escola e mais pola recuperación e defensa da lingua galega en Asturias, onde desenvolveu o labor docente até 1971, data en que se trasladou a Galicia.
É membro correspondente da Real Academia Galega desde 2002. No 2008 foi nomeado socio de honra da Nova Escola Galega.
