Lino José Pazos Pérez, nado en Pontevedra o 1 de xaneiro de 1950, é un historiador galego.

Grande coñecedor do medio marítimo, é autor especializado en temas relacionados co mar. Combina interese pola xeografía das costas galegas coa historia dos faros, de naufraxios e temas asociados. Con máis de 100 artigos en prensa e exposicións fotográficas, ducias de palestras... case sempre relacionados co mar. Traballou para que Bueu puidera contar co Museo Massó.